AZKOITIA: Intsausti Jauregia, Julio Urkijo etorbidea 25 (20720) tel. 943 85 11 00 | AZPEITIA: Sindikatu Zaharra, Enparan kalea 1 - 3 (20730) Tel. 943 02 60 69  | info@iraurgiberritzen.eus

Proiektuak

Enpresa

Egitasmo honek, Hornitu proiektuak jarraitzen duen estrategiarekin bat eginez, hornitzaile eta bezeroen arteko harremanak ditu jomuga. Proiektu honek, zehazki makina herramienta sektorean bezero eta hornitzaileen arteko harremanak aztertu eta hornitze prozesuak efizienteago egitea du helburu IKT eta sistema ziberfisikoek eskaintzen dituzten aukera ezberdinak medio.

Oro har, ekoizle eta hornitzaileen harremanetan dauden inefizientziak identifikatu eta hau eraginkorrago egin nahi da bien lehiakortasunean positiboki eraginez. Bestalde, proiektu honek, erakunde ezberdinetatik sustatzen den "Industria 4.0" estrategiarekin lotura zuzena du.

Proiektuan, AFM-INVEMA, Gaia, Ukabi, Munibe Group eta Iraurgi Berritzenek hartzen dute parte.

Untitled_design49.png

Laguntzarekin:

GFA-Berrikuntza-LandaGarapena-Turismoa.jpg

Proiektuaren iraupena: 2015/09/01 - 2016/06/01

 

Turismo

Proiektu hau zati baten Eusko Jaurlaritzako Garapen Ekonomiko eta LehiakortasunDepartamentuak finantzatua izan da "Etorgai 2014" deialdiaren baitan. I+G+i proiektu honetan, 8 enpresa teknologiko, 2 zentru teknologikok eta bi erakundek hartzen dute parte.

Proiektuaren helburu nagusia tokiko ekoizleez, turismo-zerbitzuen oinarrizko hornitzaileez [jatetxeak, nekazal etxeak] eta azken kontsumitzaileez osatutako ekosistema kudeatzea ahalbidetuko duen plataforma teknologiko bat garatzea da, tokiko produktu eta esperientzia turistikoak koordinatuz banaketaren eta marketinaren bitartez.

Proiektu honen garapenak hiru ekarpen nagusi egitea espero da. Batetik, azken kontsumitzaileengan tokiko produktuen kontsumoa sustatzea. Bestetik, sukaldaritza-zerbitzuetan tokiko produktuen kontsumoa sustatzea eta azkenik, lurraldeko tokiko produktuetan oinarritutako produktu turistiko berrien artikulazioa.

Jantur.png

 

 

Partaideak:

Jantur_partaideak.png

Laguntzarekin:

Logo_SPRI_copia Logo_GAITEK 

Proiektuaren iraupena: 2014/01/01 - 2016/12/31

Garapena

UrBerritzen, eskualdeko berrikuntza sozialean eragiteko prozesua da. Iraurgi Berritzenek jarri du abian, Beterriko Garapen Agentzia eta Elhuyarrekin elkarlanean eta Urola Erdia eta Beterri eskualdeetan ikuspegi sozialetik berrikuntza eragiteko prozesua izan nahi du.

Proiektuaren helburuak:

  • Urola Erdian eremu desberdinetan garatzen ari diren hainbat egitasmoek berrikuntza sozialetik zer duten aztertu, eskualdeko esperientziak ezagutzera eman, difusioa egin, balioan jarri, berrikuntza sozialaren paradigmarekin lerrokatu, eta aurrera begira modu eraginkorragoan jarduteko hobetzekoak eta erronkak identifikatzea, ekintza-planak diseinatuz eta eragileekin adostuz.
  •  Eskualdearen berrikuntza sozialean eragiteko ezagutza eta tresna metodologiko berriak eskualdeko eragileen eskura jarri; eskualdearen garapenerako estrategikoak diren eragileekin berrikuntza sozialaren inguruko gogoeta bateratua egin eta etorkizunera begira erronkak eta ikuspegi bateratuak elkarrekin lantzea.
  • Beterri eskualdearekin ikasketa prozesua elkartrukatu.

Proiektu honetan partehartzen duten egitasmo eta erakundeak hauek dira: Azpeitiko Kultur Mahaia, Karabeleko, Eroski Gureak; Iraurgi Berritzen Sarea (Elkarlan publiko pribatua); Elkarrekin Eraikitzen (Ikastetxeen elkarlan proiektua); Munibe Group (Enpresa arteko elkarlana); Hemen Buy (Merkataritza eta Teknologia); Elkar Ekin, Mugat (Hirugarren adinari zerbitzuak).

UrBerritzen proiektua Gipuzkoako Foru Aldundiaren laguntza ekonomikoari esker gauzatuko da.

Proiektuaren iraupena: 2015/12/01 - 2016/06/06

Untitled_design44.png

 

Enpresa

Proiektu honen helburua da enpresen artean hondakinak partekatzeko (materialak eta energetikoak) elkartrukatze-sareak eta sinergiak sortzea hiru eskualdeetan, balio-kateko industria desberdinen arteko kooperazioaren bidez. Hau neurri batean industria bateko azpi-produktuak eta hondakinak beste industrietan lehengai gisa erabiliz lortzen da; industria sektorean eta industria sektorearen eta ingurune sozial eta naturalaren artean harremana eta lankidetza handituz.

Aipatutako sinergiek industria-sinbiosiarekin lotutako negozio-eredu berriak definitzea ahalbidetuko duen metodologia baten identifikazioa sustatuko dute.

Proiektu honen ondorioz lortuko diren helburu batzuk honako hauek izango dira:

  • Parte hartzen duten eskualdeen artean balio-kateen karakterizazioa.
  • Merkatuan industria-sinbiosiaren konponbideen karakterizazioa; jarduera ekonomiko berria sortuko dutenak (negozio berriak, existitzen den enpresan jarduera berria edo lanpostu berria sortzea).
  • I+G+b eta hobekuntza teknologikoen bidez hondakinen balioztatzea ahalbidetuko duten alternatiba berriak sustatzea.
  • Hondakinak balioztatzeko ingurumenaren eta ekonomiaren ikuspegitik bideragarriak diren konponbide tekniko berriak finkatzea.

Negozio-aukeren identifikazio modu berrien bitartez, ezagutza eta transferentzia teknologiko handiagoa bilatzen da Zientzia eta Teknologia sareko lan-zentroen eta Gipuzkoako enpresa-sareen artean.

Proiektuaren iraupena: 2015/12/01 - 2016/06/30

Sinbiosis_industrial_logos.png

Enpresa

Proiektu honen bitartez, Urola Erdiko enpresa ehunaren lehiakortasuna eta berrikuntza bultzatzea nahi du, horretarako Adimen Lehiakorraren inguruan eta honelako ezagutza sistema batek eskeini ditzazken aukeren berri eman, nahi eta behar hori idenfitikatuta duten enpresekin bakarkako proiektuak garatuz. Honela, eskualdeko sektore industrialeko enpresen garapena (ETEna gehienbat) eta lehiakortasuna bultzatzea da hain zuzen, Adimen Lehiakorreraren bitartez.

Proiektu honek, enpresen adimen lehiakorra garatzeko sensibilizazio eta kapazitaziorako ekintzak bultzatuko ditu, enpresen aukera eta berrikuntzek produktu eta merkatu egokietara zuzendu ditzaten.

Proiektuaren iraupena: 2015/12/01 - 2016/06/30

Untitled_design41.png

Garapena

Urola Lanean I-II proiektuaren helburu nagusia honakoa da : Urola Erdiko enpresa osatzen duten egungo enpresa ehunaren egitura jakin ondoren, hau da gaur egun ezaguna dugun industria mapatik abiatuta, bertan agertzen diren gabeziei, ekintza plan jakin eta asmo handiko eskualdeko proiektu eraldatzailea bultzatzea, hainbat ekintza eta lan lerroen bidez.

Helburu hau lortzeko, ezinbestekoak izango diren hainbat ekintza bultzatuko dira proiektu honen barnean, hauek 3 zati nagusitan banatzen direlarik:

  1. Proiektu generikoak
  2. Nazioarteko antena eta kanpoko lankidetza
  3. Industria-sektore kritikoak

1. PROIEKTU GENERIKOAK

Produktua-Merkatua-Teknologia (PMT) ardatzak aintzat harturik, enpresentzako ideiak eta aukerak eskaintzeko ahalmena izateagatik interes berezikotzat identifikatu diren sektoreak eta jarduera-esparruak aztertzea.
Zehazki, honako proiektu estrategiko hauek identifikatu dira interesgarritzat Urola Erdia eskualderako:

  • Teknologia garbiak
  • Laguntzarako teknologiak

2. NAZIOARTEKO ANTENA ETA KANPOKO LANKIDETZA

Nazioarte mailan enpresa, ikerketa-zentro, ekintzailetza bultzatzeko zentro, unibertsitate, gobernu, arrisku-kapitaleko sozietate eta bestelako erakundeekin lankidetza-sareak eta aliantzak bilatzea eta ezartzea, Urola Erdian enplegua sortzen eta lehiakortasuna bultzatzen laguntzeko.

3. INDUSTRIA SEKTORE KRITIKOAK

Industria-maparen proiektuak aukera emango du kinka larrienean dauden sektoreak identifikatzeko, bai eta Urola Erdiko industria-sarearen gaitasunak zein diren jakiteko ere, modu horretara hazten ari diren jarduera edota merkatuetarako eboluzioa sustatzeko. Behin bultzatu beharreko sektoreak hautatuta, hauxe litzateke sektore bakoitzerako helburua: sektore horretako enpresen arteko lankidetza-esparruak zehaztea, enpresa bakoitzak nahiz kolektiboak izan ditzakeen kezkak identifikatuz, horiek eskutik izango baita aukera enpresen gaur egungo edota etorkizuneko negozioak garatzeko eta mantentzeko eta zenbait ekimen zehatz martxan jartzeko.

Proiektuaren iraupena: 2015/12/01 - 2016/06/30

Untitled_design41.png

Enplegua

Proiektu honen helburua Urola Erdiko 20 eta 35 urte bitarteko langabezian dauden gazte kualifikatuen lan-munduratzea, laguntza zerbitzu baten bidez ondorengo helburu espezifikoak lortu nahiean:

  1. Onuradunak aktibatu lan-bilaketako ibilbide osoan zehar.
  2. Enpoderatu eta zeharkako gaitasun sozio-profesionalak hobetzea.
  3. Gaitasun profesionalak hobetu eta lan-postuko esperientzia lortzea.

Proiektu hau, Euskal Herriko 2014-2020 Programa Operatiboaren baitan garatzen da, Europako Gizarte Funtsak %50 finantziaturik, eta GARAPENek (Garapen Agentzien Euskal Elkartea) koordinatzen du.

Proiektu honetako erakunde eta eragile partehartzaileak hauek dira: IRAURGI BERRITZEN, Azkoiti eta Azpeitiko Udalak eta Urola Erdiko enpresak, besteak beste.

Proiektuaren iraupena: 2015/09/07 - 2020/11/30

Untitled_design42.png

Enpresa

Proiektu honen helburu orokorra, Urola Erdiko aktibitate ekonomiko industriala indartzea da, enpresa hornitzaile eta traktoreen elkarlanaren bitartez, enpresen garapena sustatuz.

Proiektuak dituen helburu zehatzak honakoak dira:

  1. Urola Erdiko enpresa traktoreen hornidura behar nagusiak ezagutu, eskualdeko enpresek bete ditzaketen eskaerak identifikatuz. Behar hauek betetzeko egitasmo konkretuak ipini martxan, banaka edo elkarlanean proiektuen bidez.
  2. Enpresa traktoreek, mundu mailan lehiatzen ari direnez, duten ezagutzaren transferentzia egin enpresa hornitzaileei: joerak , beharrak, eskaerak..hauek referentzi moduan hartu ditzaten proiektu berritzaileak garatzeko.
  3. Enpresa hornitzaileentzat epe ertain luzera proiektu, behar eta proposamen berriak identifikatu eta baloratu, esparru desberdinetan (teknologikoa, komertziala, kudeaketan..) behar berriei erantzuna ematen lagunduko dutenak.

Horretarako, Iraurgi Berritzenek ekintza lerro desberdinak jarri ditu abian: Enpresa traktoreen inplikazioa lortzeko elkarrizketa eta topaguneak; Bitartekaritza zerbitzu teknikoa enpresentzat Tekagunerekin elkarlanean; eta hobekuntza eta elkarlan proiektuen garapenerako egitasmoak beharrezkoa denean.

Proiektu hau, Gipuzkoako Foru Aldundiko, Ekonomia Sustapeneko, Landa Inguruneko eta Lurralde Orekako Departamenduaren eskutik jaso du diru laguntza "Gizarte Mailan Erantzulea den Lurraldea" programaren bitartez.

Proiektuaren iraupena: 2015/07/09 - 2016/06/06

Proiektu honetako enpresa eta eragile partehartzaileak haseran dira:

Hornitu_Logoak.png

 

Enpresa

Proiektu honen helburu nagusia Urola Erdiko enpresetara estrategia partekatuen prozesuak zabaltzea da.

Era berean, bailarako enpresen lan testuinguruan eredu berriak sortzera doa proiektuaren muina, berrikuntza alorrak, barruko harremanak, pertsonen protagonismoa, antolakuntza eredu berri baten inplantazioa, berrikuntza irekia, ...

Beraz, Enprestuz proiektuak enpresetan helburu eta ekintza propioak nahiz kolektiboak garatzeko aukera ematen du, enpresa beraiek izanik protagonista.

Proiektu hau Gipuzkoako Foru Aldundiko Gizarte Mailan Erantzulea den Lurraldea Sustatzeko programaren barne dago.

Proiektuaren iraupena: 2015/03/01 - 2016/05/31

Untitled_design41.png

Enpresa

Proiektu honen helburua, langabezian dauden pertsonei, aholkularitza eta prestakuntza ematea da beraien empresa sortu dezaten eta lehentasuna emanez, sozietate laboralei. Europar Funtsak kofinantzatutako egitasmoa da eta 2015-2019 epe aldian gauzatuko da.

Parte hartzen duten eragileak honakoak dira:

  1. ASLE, proiektuaren liderra.
  2. EHU, GEZKI ekonomi sozialeko arloa.
  3. Gipuzkoako Bazkundea.
  4. CCOO Euskadi.
  5. Iraurgi Lantzen.

Proiektuaren iraupena: 2015/03/01 - 2015/12/31

 Lanzituz.png

Enpresa

Proiektu honen helburua, Gipuzkoako enpresen oinarri esportatzailea haunditzea da eta horretarako Gipuzkoako eskualde bakoitzak bere ekintza plana diseinatu du. Egitasmoa, Gipuzkoako Bazkundearekin elkarlanean gauzatu da eta 2015ean landu diren ildoak honakoak izan dira:

  1. Herrialde jardunaldiak.
  2. Prestakuntza, Nazioartekotze arloko gaietan.
  3. Zerbitzu pertsonalizatuak enpresei, beraien ibilbidean laguntzeko.

2015ean, bi herrialde jardunaldi antolatu dira, bata Mexikoren inguruan eta bestea, Maroko-Argeliaren inguruan. Prestakuntzari dagokionez, Nazioarteko Aduanen kudeaketaren ingurukoa izan da eta 8 enpresei eman zaie aholkua.

Proiektuaren iraupena: 01/03/2015 - 31/12/2015

Nazioartekotzea.png

 

Ezagutza Sarea

Urola Erdiko ekonomiaren sustapenerako dauden sektore desberdinetako eragileen artean sorturiko mahaia da. Lurralde Garapenaren ikuspuntutik, eragile hauen lan esparru eta egiteko moduen diagnostiko baten ondorioz sorturiko mahaia izan da.

Eragileek adostu duten mahaiaren helburua: Urola Erdiko tokiko garapenerako erronkei aurre egin eta aukera berriak sortzeko eragile sozioekonomikoen mahai teknikoa izatea. Horretarako, elkarlanean oinarrituriko ikuspegi estrategikoa eta berritzailea garatuz.

Eragile partehartzaileak: Ingurumena; Agenda 21; Elkar Ekin (Ekonomia Soziala); Enpresa-Industria eta Ikastetxeak (Iraurgi Berritzen); Turismo Mahaia; Ekintzaile Elkartea (Urolab); Merkataritza ; Landa Garapena (Urkome).


Captura_de_pantalla_2015-06-09_a_las_12.06.16.pngMahai honen ibilbidea, ekainean hasi zen eta hurrengo irailak 11ean ospatuko du hurrengo topaketa eskualdean ekintzailetasuna sustatzeko dagoen estrategia eta plana aztertzeko.

 

Captura_de_pantalla_2014-12-16_a_las_11.01.06.png

Empresa

Proiektu honen helburua, bideragarriak diren baina egoera ahulean dauden enpresak laguntzea da. Horretarako, lehendabizi aukeratutako enpresetan, sakoneko diagnosi bat egiten da eta ateratako ondorioetatik, ekintza plan bat adosten da.

Ekintza plan horrek, hiru lan lerro nagusi ditu:

  1. Kudeaketa ekonomiko finantzieroa aztertzea eta bideragarritasun plan bat lantzea.
  2. Enpresaren ildo estrategikoaren definizioa.
  3. Arlo produktiboko hobekuntzak lortzea.

Egitasmoa, Foru Aldundiak finantzatuta dago %100, eta bertan parte hartzen duten eragileak, EHU, TKNIKA eta kontsultoriako enpresak dira. Egitasmoaren koordinazioa, eskualde bakoitzean garapen agentziari dagokio.

Onuradun, Gipuzkoako 100 enpresa izango dira.

Proiektuaren iraupena: 2015/01/01 - 2015/07/31

Untitled_design45.png

Ezagutza Sarea

2015eko lehen seihilekoan, Iraurgi Berritzenek, Urola Erdiko sustapen sozioekonomikoko eta berrikuntzako agentziak, lan-prozesu bat bultzatu du, epe luzera eskualdeko lehiakortasunerako kokapena hobetzeko helburuarekin pertsonen partaidetza sustatuz.

Prozesuak, Gipuzkoako Foru Aldundiko Berrikuntza, Landa Garapen eta Turismo Sailaren laguntza ekonomikoa izan du, B+I Strategy aholkularitza-enpresarekin lankidetzan egin da eta eskualdeko zein lurraldeko eragile sozioekonomikoak partaide izan dira:

  • Eskualdeko 22 Enpresa
  • Langileen ordezkariak: ELA, LAB, CCOO, UGT
  • Herri Administrazioak: Eusko Jaurlaritza, Azkoitiko Udala eta Azpeitiko Udala
  • Beste agente sozioekonomiko batzuk. Gipuzkoa Berrit

Zehazki, balizko bost lan-ildo identifikatu ditugu, hurrengo urteetan, Iraurgi Berritzenek bultzatu nahi dituenak, eskualdeko eragile sozioekonomiko guztien lankidetzarekin, jarraitutako prozesuaren bukarera eta hurrengo prozesuaren abiapuntu gisa.

 

FSEele1.jpg iraurgi_berritzen.jpg bi.jpg

Ezagutza Sarea

Gipuzkoako Foru Aldundiak, Lurralde Garapeneko Zuzendaritzaren eskutik, lurralde garapenerako eredu berri baten eraikuntza prozesura gonbidatu ditu Gipuzkoako hamaika eskualdeetako ordezkariak.

Proiektuaren helburua Gipuzkoan lurralde garapena modu berri batean egitea ahalbideratuko duen harremantze eredu berria (zubiak) eraikitzea izan da.

Helburuak:

  1. Eskualdeetako, GFAko eta beste maila batzuetako arduradun politiko eta teknikoen elkarlanerako guneak sortzea.
  2. GFAko departamentu desberdinetan eskualdeekiko parte hartzaileagoa den lan egiteko modua garatzea.
  3. GFAko politiken eta eskualdeen erronken arteko alineamentua lortzea.
  4. Eskualdeetan harremantze eredu partehartzaileak bultzatzea.
  5. Eskualdeetan bisio eta pentsamendu estrategikoaren garapena bultzatzea.
  6. Gipuzkoa mailan diharduen zenbait erakunde eta eskualdeetako errealitateak gerturatzea.

Iraurgi Berritzeneko zuzendari eta lehendakariak beste agentzietako ordezkariekin partehartu dute Gipuzkoa mailan sustatu diren Mahaietan: Energia eta Sustapen Ekonomikoaren Mahaiak. Bestetik, prozesu hauek sustatzeko, Ezagutza Sareko Teknikariak partehartu dute tekniko fazilitadore moduan. Eskualde bakoitzak marko honetan garatu nahi duen proiektua adostu du. Urola Erdiari dagokionez "Urola Saretzen" proiektua abian dago.

Captura_de_pantalla_2014-12-16_a_las_11.01.06.png

 

Ezagutza Sarea

Helburua: Urola Erdia eta Goierriko eskualdeen artean ikasketa kolektiboa sustatzea, berrikuntza soziala eta teknologikoaren orekan oinarrituriko tokiko garapena sustatzeko eskualdeetan.

Iraurgi Berritzen nahiz Goiekitik sustatu diren tokiko garapen ekonomikorako sareek, (Ezagutza Sarea eta Industria Foroa) garapen eredu berritzaileak sortzea ekarri dute, bai Berrikuntza Sozialaren ikuspegitik, bai Berrikuntza Teknologikoaren ikuspegitik, Bi eskualdeetan berrikuntza soziala eta teknologikoaren ezaugarriak garatzen ari dira bakoitzean bere ezaugarriekin.

Bi eskualdeen esperientzien arteko ikasketa prozesua bultzatzeko, Orkestraren eskutik metodologien eta adituen ezagutzaren ekarpena egin da. Prozesuaren baitan landutako gaiak: Garapen Agentzien Rola; Enpresen arteko Lankidetza; Politikoen papera; Merkatu dibersifikazioa; Hezkuntza eragileak.

Proiektu hau Gipuzkoako Foru Aldundiaren "Gipuzkoa, ekiten duen lurralde gisa, sustatzeko" programan kokatzen da, gizarte eta lurraldean lankidetzarako testuinguruak sortzea helburu duen programa hain zuzen.

garapengunealogoak

Hezkuntza

Elkarrekin Eraikitzen proiektua, Iraurgi Berritzen Sarearen barnean kokatzen den ikastetxeen taldean azken urteetan eman den elkarlanaren ondorio da. Proiektu honek, eskualdeko ikastetxe ezberdinek amankomunean identifikatu zuten behar konkretu bati elkarrekin erantzuna ematea du helburu: "Gazteengan ekintzailetasun baloreak sustatzeko beharra". Hausnarketa honen aurrean, Elkarrekin Eraikitzen proiektua egituratzen da, ikastetxe guztiek adostutako helburu eta erronkak abiapuntu hartuta.

Helburuak:

  1. Ikasleen artean ekintzailetasun baloreak sustatzea, egiteko moduak aldatuz.
  2. Hau bete ahal izateko, ezinbestekoa da irakasleei metodologia berritzaileen inguruan esperimentatzea eskaintzea.
  3. Eta azkenik, eskualdeko egoeraren berri izatea ikasleek, proiektuaren garapenean protagonista izanez, etorkizunean dagokien aukeraketa egiterako orduan eskualdeko ahalik eta informazio gehien izan dezaten.

Proiektu honen web guneko helbidea honakoa da: www.elkarrekineraikitzen.wordpress.com

FLOREAGA_berria.jpg IKASBERRI copia IRAURGI KARMELO ETXEGARAI UROLA IKASTOLA XABIER MUNIBE  

Ezagutza Sarea

Azpeitiko eta Azkoitiko udalek eta horietan ordezkatuta dauden zenbait alderdi politikok (Bildu, EAJ, Hamaikabat eta PSE-EE) Urola Erdiko sustapen ekonomikorako oinarriak bermatuko dituen estrategia bat adostu dute, partehartu duten elkarlan prozesu baten ondorioz.  Martxoaren 14an egindako agerraldian, Akordio Politikoaren berri eman zuten sinatzaileek: Azpeitiko alkate Eneko Etxeberria (Bildu),  Azkoitiko alkate Pello Bastarrika (Bildu), Azpeitiko EAJko zinegotzi Aitor Gorrotxategi, Azpeitiko Hamaikabateko  zinegotzi Aitor Aranguren, Azkoitiko EAJko  zinegotzi Mikel Zubizarreta.

Akordioaren lorpen nagusiak:  batetik, eskualdeko garapen ekonomikorako arlo estrategiko nagusiak zehaztea eta adostea lortu da eta, bestetik, prozesu horri aurrera begirako berme politiko bat ematea lortu da, konpromiso politikoak adostuz.

Gaur egun, akordio politikoaren helburu eta konpromezuak betearazteko,  jarraipena bai maila tekniko bai maila politikoan egiten ari da. Hurrengo pausoa, 2015eko udal hauteskundeetarako aurkeztuko diren alderdi politikoen hautagaiei Akordio Politikoaren komunikazioa egitea izango da.

Captura_de_pantalla_2014-12-16_a_las_10.37.23.png

Ezagutza Sarea

Proiektu honen helburua, eskualdeko enpresei balio erantsi estrategikoa ematea ahalbidetuko duen elkarlan proiektuak exekutatzea izango da, aditu teknologikoen babesarekin: produktu edo merkatuen dibersifikaziorako, bai prozesu produktiboen berrikuntzarako, bai barneekintzailetasuna sustatzeko negozio aktibitate berriekin. Azken helburua, eskualdeko egoera ekonomikoa indartzea da, biztanlegoaren baldintza sozioekonomikoetan eta bizi kalitatean eragina izan dezan.

Gaur egun elkarlanerako interes arlo eta taldeak identifikatu dituztenak 12 enpresa dira. Sektoreak : makina erraminta, galdaragintza, ostalaritzako ekipamenduak, metal mekanika, hidraulika.

Proiektu hau Gipuzkoa sustatzeko programan kokatzen dugu: gizarte eta lurraldean lankidetzarako testuinguruak sortzea helburu duena.

 logo DFG Logo_INTERREG_2
 
Ezagutza Sarea

Proiektu honen helburua Urola Lurraldeko (Urola Garaia-Erdia-Kosta) egur eta altzari sektoretako enpresen artean elkarlan proiektu bat garatzea da. Bakoitzaren errealitate eta diagnostiko desberdinetatik eta sektoreko diagnostiko amankomun batetik abiatuz, bakarka naiz kooperazioan proiektuak identifikatzeko aukerak izateko, eta prozesuaren zehar enpresen artean kultura irekia eta elkarlanekoa sortzen joateko.

Proiektu hau, Europar Funtsek kofinantzatutako dago eta 2013-2015 epealdian exekutatuko da.

Proiektu honetako empresa eta erakunde partehartzaileak hauek dira: Urola Kostako Udal elkartea, UGGASA, Iraurgi Berritzen, TECNALIA-CIDEMCO, Egurlandua, Urola Ikastola BHI, eta Aroztgi.

Logo_INTERREG_2   E   UK
 UGGASSA
                     


Orrialdea 1-(e)tik 2-(e)ra

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea. Informazio gehiagorako Cookie politika.

Onartzen dut